حلى الفستق

 

 

 

 

مصاصات الفراولة بالشوكولاته

كنافة تشيز كيك

 

 

 

 

 

 

التارات الوردات

 

 

 

 

 

كرات البطاطس بالجبن

 

الطريقة والمقادير :

 

اول شي نسلق البطاطس في مويه وملح بعد مايقشر ويقطع مكعبات متوسطة الحجم
ويترك يسلق اطول فتره ممكنه .. حتى يسهل علينا هرسها وتكون هشه وراح تلاحظوا الفرق وقت الأكل ..بعد مايستوي البطاطس يصفى من المويه ويضاف له فلفل اسود مطحون وكريمة خفق وتهرس

 

الحشوه :
نحمس بصل مفروم ثم نضيف له صدور دجاج مفرومه .. نضيف لها الملح والكمون فقط
وتحرك حتى يستوي الدجاج بالكامل .. ثم نضيف فلفل رومي مجروش بالخلاط جرش خشن
تترك ع النار حتى تتجانس مع بعض وتترك الحشوه ع جنب .

 

 

تُأخذ قطعه متوسطه من البطاطس المهروس وتحشى بالحشوه وتكور وترص بالصينيه

 

 

 

البشاميل :
استخدمت ظروف الباشاميل الجاهزه وصبيتها ع البطاطس ورشيت جبنه مبشوره ودخلتها الفرن من اعلى حتى ذابت وتحمرت
.. كل ماتركتي خلطة الباشاميل سايله افضل من انها تكون شوي ثقيله
لأنو إذا دخلت الفرن تماسكت من برا ومن جوا سايله وتبان لذتها اكثر .

 

 

لفائف الباذنجان

 

مقادير والطريقة :

لحمه طازه مفرومه مع رشة بسيطه من الملح بمكينة البصل : نضيف حبة بصل ناشف وبصل أخضر ( جرش خشن )

 

 

تعجن مع بعض وتكور اصابع صغيره .. بحجم الاصبع

 

 

 

يقطع الباذنجان شرائح رفيعه ويقلى في زيت غزير .
* تقلى كرات اللحم حتى تحمر .
( وتصفى ع ورق نشاف )

تفرد شريحة الباذنجان وتوضع اللحمه وتلف

 

 

تُرص بجانب بعض في صينية التقديم .. ويسكب عليها الصوص

 

الصوص عباره عن :

 

بخلاط الكأس :
2 م ك معجون طماطم .
عصير ليمونه كامله
رشة ملح + خل ابيض
1 م ص بهارات مشكله 
ربع ملعقه صغيره فلفل حار مجروش
1 كوب ماء
( وتخلط مع بعض ) تزيد كمية الماء ع حسب حجم الصينيه .
وتصب ع الباذنجان وتغلف الصينيه بالقصدير وتدخل الفرن من اعلى واسفل حتى يبدأ يفور الصوص ويدخل باللحمه والباذنجان .

 

إذا تحبي الصوص يكون حامض زيدي في كمية الخل والليمون

 

 

 

 

كيكة البرتقال

 

 

 المقادير :.
2/ كأس دقيق منخول 1/كيس كريم كراميل [ هي هذ الاضافه اللي تميز الكيكه ]1/ ملعقة كبيرة بيكنج باودر
ربع ملعقة صغيره خميرة فوريه
رشة ملح
3/ بيضات
1/كاس سكر
برتقالتين
بشر برتقاله
نص كأس زيت
ملعقه صغيره فانيليا

الطريقة :

نأخذ المقادير الــ 5 الاولى ونخلطها مع بعض

 

 

بعدين نسخن الفرن على درجة 180 لمدة ربع ساعه

نبدأ نبشر برتقاله

نخفق البيض مع بشر البرتقال والفانيليا الى ان ينفش

نضيف السكر بعد كذا نضيف الزيت

 

 

بعد كذا نعصر البرتقالتين ونحطهم بالكوب ونزيد ماء الى ان يصير كوب كاملونبدأ نضيفه بالتناوب مع خليط الدقيق حتى نحصل على خليط قوامه مثل الصوره ونصبه في صينيه ملبسه بورق زبده ..

 

 

ندخلها الفرن ونتركها حتى تنضج اخذت معي 45 دقيقه

شكلها وهي توها خارجه من الفرن

 

كيكة محشيه بالتمر

 

المقادير:
2 بيضه
كاس سكر
نص كاس زيت
كاس حليب سائل
2كاس ونص دقيق كويتي
ملعقة بيكنج باودر
ربع ملعقه صغيره بيكربونات الصوديوم
فانيليا ملعقه صغيرة
الحشوة:
تمر مفروم جاهز ( ام انتي تسوينه بالبيت )+ ملعقه صغيرة قرفه مطحونه + رشة خفيفه جوزة الطيب وشوي شمر مطحون

 

الطريقه :
يخلط البيض مع السكر والفانيليا ثم يضاف الزيت ثم الحليب واخيرا الدقيق والبيكنج باودر
يصب نص الخليط في صينيه مدهونه

 

 

يفرد التمر ولسهوله الفرد يوضع بين طبقتين من النايلون ويفرد جيدا
نضع التمر على الطبقه الاولى من الخليط

 

نصب باقي الخليط على التمر حتى يغطيه تماما نرش حبه سوداء وسمسم على الوجه

 

 

ندخله الفرن وبعد ما تستوي الكيكه تخرج من الفرن وتترك الى ان تبرد وتقطع حسب الرغبه

 

 

بينك باستا

 

 

المقادير :

مكرونه "اصداف"
علبه صدور دجاج خاليه من العظم مقطع صغار
بصله مقطعه جوانح
فصين ثوم مهروسين ناعم
مكعب ماجي
ربع ملعقه فلفل اسود ناعم+ ربع ملعقة باربيكا
+ ربع ملعقة كمون +ربع ملعقة كركم
ملعقتين معجون طماط
نص ملعقة اوريغانو "زعتر بري"
علبة كريمة "كي دي دي"
"مشروم" (يفضل الطازج  )
جبن موزريلا مبشور
نص علبة صوص البريقو "ثري تشيز" هذي صورته
 

 

الطريقه:

نحط ملعقتين زيت بالطاوه لين يسخنون وبعدين نضيف لهم البصل وبس يتحمر

نضيف له الدجاج مع التقليب واضافة جميع البهارات والثوم ..

ولما يبلش يتغير لون الدجاج وياخذ لون البهارات نضيف له "المشروم" نضيف الماجي والمعجون مع التقليب

 

 

نضيف صوص البريقو و الكريمه ونكمل تقليب

ونخليهم ع النار تقريبا 10 دقايق وبهالوقت نكون حاطين المكرونه بقدر ماي ع النار لين تنضج وبعد مرور 10 دقايق نضيف عليها الجبن المبشور تقريبا كوب

 

  

وبهالوقت تكون المكرونه خلصت ونصفيها من الماي بالمصفى ونغسلها بماي عادي نحط  المكرونه بعد ماصفت من الماي بصينية الفرن ونصب فوقها الصوص

 

 

ونرررش فوقها جبن موزريلا المبشور تقريبا كوب او اكثر

وندخلها بفرن حاار لمدة خمس دقايق او الى ان يذوب الجبن

صوص الجبن للمقالي

 

 

 

المقادير :

نص ك مايونيز

 ½ ك حليب سائل

 ½ ك من الجبن الشيدر المبشور البرتقالي
ملعقة صغيرة من عصير الليمون
ملعقة صغيرة زنجبيل

كلهم عالنار ويقدم للمقالي

روتيني باستا بالصلصة الحمراء

 

باستا بصلصة الفلفل البارد المشوي مع الجبن الأبيض اللذيذة إستخدمت في إعدادها فلفل بارد مشوي جاهز معلب أخذته من جمعية  إذا ما حصلتيه تقدرين تسوينه بنفسج
طريقته سهلة وهي تاخذين فلفل بارد أحمر وتحطينه مباشرة على الجوله (النار) وإشويه لين تسود القشرة، تالي خليه على جنب لين يبرد شويه وبعدين قشريه وحاولي تشيلين كل القشرة السوداء من الفلفل، غسلي الفلفل شويه بالماي علشان تتخلصين من السواد تماماً.

إستخدمت نكهة جديدة بأوراق المشموم، أغلب البيوت يزرعون المشموم للزينة، ريحته حلوه فإذا إستخدمتيه للصلصة يطيبها بروائح عطرية جميلة إذا ما توفر عندج المشموم إستخدمي الريحان.

الجبن الأبيض يعطي الباستا قوام كريمي حلو، البشاميل سويه بنفسج أو إستخدمي البشاميل الجاهز،

 

المقادير :

معكرونة لولبية

5 حبات فلفل بارد أحمر مشوي

4/3 علية جبنة بيضاء مختارة كاملة الدسم 500 جرام ( المراعي )

2/1 كوب جبنة بارميزان

6-8 أوراق مشموم

2/1 ملعقة صغيرة ثوم مهروس

بصلة صغيرة مفرومة

1 كوب بشاميل

قليل من الماء الساخن

4/1 ملعقة صغيرة فلفل أسود

ملح حسب الرغبة

  

حطي الفلفل الأحمر في الخلاط

 

 

شغلي الخلاط وخليه لين تنهرس المكونات عدل

 

 

الحين سوي المعكرونة حطي في الجدر ماي وشوبة زيت وملح وخليه لين يطبخ الماي (يغلي)

 

بعد ما تنضج المعكرونة صفيها (بالمشخاله) وصبي عليها ماى بارد وخليها على كتر (جنب)

 

 

في نفس جدر (قدر) سلق المعكرونة حطي شوية زيت زيتون بعدين حطي البصل

 

وشوحيه (إخلطيه) لين يذبل لا تخلينه يتحمر

 

أول ما تشوفين البصل ذبل حطي الثوم وقلبيه بسرعه ما نبي الثوم يحترق

 

صبي (إسكبي) خلطة الفلفل الأحمر على البصل وقلبيه على نار متوسطة

 

 

الحين إخذي أوراق المشموم وقطعيه إلى شرائح وحطيه على خلطة

 

حطي البشاميل والفلفل الأسود

 

حطي الحين جبن البارميزان وقلبيه وخليه على نار هاديه لمدة دقايق لين يتسبك

 

وتتداخل النكهة عدل ،ضيفي ماي شويه علشان ما تنشف الصلصلة

 

آخر شي حطي المعكرونه وخلطيها مع الصلصلة عدل

 

 

حطي المعكرونه في صحن التقديم ورشي عليها البارميزان وبالعافيه

 

 

أخذت الوصفه من Home cooking  كانت لذيذه يمي

بداية

               



               ثق بـ ربك .. ثم بـ نفسك و تمتـع بالحياة ..♥!