المقادير :
جلاش
سمنه سايحه
كريمه شانتيل
شيره
الطريقه :
نفرد ورقة الجلاش ونقسمه بالنص
ونجيب اى شيء عندنا مثل قلم طويل او عصاية خشب رفيعه ونلف عليه ورقة الجلاش
بس مش لغاية الاخر نترك الجزء عشان هذا بيكون القاعدة اللى هنحط عليها الكريم شانتيه
ونكشكشها بإيدينا
ونسحب القلم منها وأول ما نسحبه نلفها على شكل دايرة ونخلى الجزء اللى تركنا من الورقة تحت مش حول الدايرة
ونرصها فى صينيه لما نخلص وندهنها بالسمنة
وندخلها الفرن واول ماتطلع نسقيها بالشيره
ونتركه تبرد شوية ونعمل فيها وردة بالكريم شانتيه وممكن على فكرة بدل الكريم شانتيه نحط كريمة لبانى او قشدة
يعنى الحشو والتزيين طبعا حسب الرغبة
وكمان فيه ملحوظة مهمة
لازم الجلاش يكون طازج وحتى لما يكون طازج لما تيجى تكشكشى الورقة وتلفيها هتتكسر منك
فالحل انك تجيبى فوطة مندية يعنى مبلولة ميه ومعصورة كويس اوى تحطيها على الورقة اللى عليها الدور تلفيها وهتبقى طرية معاكى وبتتشكل من غير ماتتكسر
ليست هناك تعليقات:
إرسال تعليق